এই পৃষ্ঠাটোৰ বৈধকৰণ হৈছে
২৮৪
সটীক নামঘোষা
এহি পঞ্চ দীৰ্ঘ স্মৰণে কৃষ্ণৰ
মিলে মহা মহোদয়॥
ভগৱানৰ চকু যাৰ, বাহু, পদ আৰু আঙ্গুলিবোৰ দীঘল; তেওঁৰ শৰীৰৰ দীঘল এই পাঁচ অঙ্গ মনত ধাৰণা কৰিলে জীৱৰ পৰম ভাগ্য মিলে।
[ ৩৯৭ ]
কন্ধ উন্নত ভ্ৰৱ নাসা পদ
উন্নত নখ হৃদয়।
এহি ছয় স্থান উন্নত কৃষ্ণৰ
স্মৰণে মোক্ষ মিলয়॥
ভগৱানৰ কান্ধ, ভ্ৰু, নাক, পদ, নখ, আৰু বুক এই ছয় অঙ্গ ওখ ( পিঠি দেখিবলৈ বিতোপন)। ভগৱানক এই ভাৱে ধাৰণা কৰিব পাৰিলে, তাৰ ফলতে শেষত মুক্তিলাভ কৰিব পাৰি।
যুগধৰ্ম্ম
কৃতে যন্ধ্যায়তো বিষ্ণু ত্ৰেতায়াং যজতো মখৈঃ।
দ্বাপৰে পৰিচৰ্য্যায়াং কলৌ তদ্ধৰিকীৰ্ত্তনাৎ॥ ৩৯৮
[ ৩৯৮ ]
মিনতি বচন বোলো সৰ্ব্বজন
শুনিয়ো শাস্ত্ৰৰ মৰ্ম্ম।