এই পৃষ্ঠাটোৰ বৈধকৰণ হৈছে
২৬৯
সটীক নামঘোষা
নোৱাৰ মায়াৰ হাত অনায়াসে এৰাব পাৰে বা মায়াময় সংসাৰৰপৰা উদ্ধাৰ হব পাৰে।
[ ৩৬৯]
কলিৰ লোকৰ ভাগ্যৰ মহিমা
কোনে কহি পাৱে পাৰ।
হৰি গুণ নাম কলিৰ স্বধৰ্ম্ম
সমস্তু শাস্ত্ৰৰ সাৰ॥
এই কলিকালত জন্মলাভ কৰা লোকৰ সৌভাগ্যৰ মহিমাৰ কথা কৈ কেৱে শেষ কৰিব নোৱাৰে; কিয়নো সকলো শাস্ত্ৰৰ সাৰ স্বৰূপ অতি সহজ হৰিৰ নাম-গুণ শ্ৰৱণ-কীৰ্ত্তন কৰাই কলিৰ নিজা ধৰ্ম্ম; অৰ্থাৎ অন্যান্য যুগত ঈশ্বৰক উপাসনা কৰাৰ নানা ৰকমৰ কষ্টসাধ্য ক্ৰম আৰু ব্যৱস্থা আছে, কলিকালত কিন্তু হৰিৰ নাম-গুণ শ্ৰৱণ-কীৰ্ত্তন কৰাই ধৰ্ম্ম; ই অতি সহজ। স্ত্ৰী, শূদ্ৰ সকলোৱে অনায়াসে লব পাৰে, গতিকে কলিত জন্মা লোকসকলেই পৰম ভাগ্যবান।
[ ৩৭০ ]
হৰি কথা ৰস নিৰ্ম্মল অমৃত
যিটো জনে পান কৰে।
সংসাৰ মধ্যত সি সি জন মাত্ৰ
সফল জনম ধৰে॥
