এই পৃষ্ঠাটোৰ বৈধকৰণ হৈছে
২৩৭
সটীক নামঘোষা
[ ৩১০ ]
নমো নমো কৃষ্ণ তোমাৰ ভকতি
মুকুতিকো কৰি বলে।
মোৰ তাকে মন দিয়োক শৰণ
অৰুণ চৰণ তলে॥
মুকুতিকো কৰি বল - মুক্তিতকৈ শ্ৰেষ্ঠ।
মোৰ তাকে মন - মোৰ মনে তাকে পাবলৈ বাঞ্ছা কৰক।
হে কৃষ্ণ, মই তোমাক মুৰ দোৱাঁই সেৱা কৰোঁ৷ তোমাৰ ভক্তি মুক্তিতকৈও শ্ৰেষ্ঠ অৰ্থাৎ ভক্তসকলে মুক্তিকো পাচ কৰি তোমাৰ ভক্তি লাভ কৰিবলৈহে যত্ন কৰে। প্ৰভু, তোমাৰ পদ পঙ্কজত মোক আশ্ৰয় দিয়া, মোৰ মনে তাকে (ভক্তি ) পাবলৈ বাঞ্ছা কৰে।
শ্ৰীৰাম নাৰায়ণ বসুদেৱ গোবিন্দ বৈকুণ্ঠ মুকুন্দ কৃষ্ণ।
শ্ৰীকেশৱানন্ত নৃসিংক বিষ্ণো। মাং ত্ৰাহি সংসাৰ ত্ৰিতাপ ক্লিষ্টম্॥
(৩১১-৩১৬)
[ ৩১১ ]
এ ভৱ সাগৰে মজি নাৰায়ণ
মাতুৰ ভৈলো অপাৰ।
দীন অনাথক তুমি কৃপাময়
চৰণে কৰা উদ্ধাৰ॥
দীন— দৰিদ্ৰ, ভক্তিহীনজন।
[“অনাথক”ৰ ঠাইত “অপাৰ্থক” শব্দ কোনো কোনো ঠাইত পোৱা যায়।