ৰাম নাভাবিয়া আন আচৰিয়া
কেনে আপোনাক বঞ্চা॥
অক্ষয় পুণ্য—যি পুণ্যৰ ফলত জীৱে পৰজন্মত সুখৰ ঠাই পায় আৰু
তাৰপৰা নামিব নালাগে, অৰ্থাৎ ক্ষয়হীন পুণ্য।
[হৰিনাম ললে তাৰ পুণ্যৰ ফলত মৃত্যুৰ পাচত জীৱে যি স্থান পায় ( মুক্তি) তাৰপৰা আৰু জীৰ ঘুৰি আহিব নালাগে; সেই নিমিত্তে হৰিনাম লোৱা পুণ্য অক্ষয় পুণ্য] হে ভাই, সুখেৰে আন কথা নকৈ মুখভৰি কেৱল হৰিনামক লৈ অক্ষয় পুণ্য সঞ্চয় কৰা। ভগৱানক নাভাবি বিষয় চিন্তা কৰি বা অন্য দেৱ-দেৱীক উপাসা কৰি নিজক সেই অক্ষয় পুণ্যৰপৰা কিয় বঞ্চনা কৰা।
[২৮৫ ]
হৰি কীৰ্ত্তনৰ সময় যিজনে
থাকে আন কথা পাতি।
অন্তকালে নিয়া যমদূতে ধৰি
কৰে তাক উগ্ৰ শাস্তি॥
ভগৱানৰ নাম-গুণ-কীৰ্ত্তন কৰা সময়ত যি মানুহে তালৈ পিঠি দি আন কথা পাতি (বিষয় চৰ্চ্চা কৰি) থাকে, মৃত্যুৰ পাচত সেই জীৱক যমদুতে কঠোৰ দণ্ড দিয়ে।
[ ২৮৬ ]
বেদৰ ৰহস্য হৰিৰ কীৰ্ত্তন
নুশুনিলে সাবধানে।