এই পৃষ্ঠাটোৰ বৈধকৰণ হৈছে
১৩১
সটীক নামঘোষা
এহি হেতুতেসে জানা যতেক মহন্তসবে
ঈশ্বৰক বোলয় অচ্যুত॥
চ্যুতি—পতন, হানি, নাশ।
অচ্যুত—বিনাশশূন্য, স্থিৰ।
ঈশ্বৰ কৃষ্ণক উপাসনা কৰোঁতে কৰোঁতে জীৱৰ পতন-ভয় গুচে অৰ্থাৎ জীৱে মুক্তি পায়—নানা বিপত্তি ভুগিব লগা অদ্ভুত সংসাৰলৈ পুনৰ আহিব নালাগে। এই কাৰণেই সাধুসকলে ঈশ্বৰক অচ্যুত বোলে।
[ ১৪৫ ]
ঈশ্বৰ কৃষ্ণৰ পদ ভজিয়া অধমসবো
অতিশয় হোৱয় উত্তম।
এহি হেতুতেসে জানা লোকত প্ৰসিদ্ধ ভৈল
ঈশ্বৰৰ নাম নৰোত্তম॥
পাপীজনেও পৰমেশ্বৰক একান্তমনে ভজি উত্তম হব পাৰে; এই কাৰণেই লোক সমাজত ঈশ্বৰৰ “নৰোত্তম” নামে প্ৰখ্যাত হল।
[ ১৪৬ ]
ঈশ্বৰক জানি নৰে ভজিয়া মায়াক তৰে
সিংহ যেন ভ্ৰময় নিৰ্ভয়।
এতেকেসে ঈশ্বৰৰ নাম নৰসিংহ ভৈল
মহাজনসকলে কহয়॥