এই পৃষ্ঠাটোৰ মুদ্ৰণ সংশোধন কৰা হৈছে
(১৩৩)
গঙ্গা গয়া যমুনা প্ৰয়াগ কাশী।
ইসব উদ্ধাৰ হয় সন্ত পৰশি॥
দ্বিজ হৰিদেৱ সন্তৰ পদে আশে।
নকৰা নৈৰাশ প্ৰভু কৰি লৈয়ো দাসে॥
দ্বিপ্ৰহৰৰ প্ৰসঙ্গ। ( শ্ৰীমদ্ভাগৱত পাঠ )
ঘোষা-
ৰাম ৰাম জয় পৰমানন্দ।
পিবো তবু চৰণ কমল মকৰন্দ।
সেবোহে তোমাৰ দুই পদ অৰবিন্দ।
ভজোহোঁ তোমাৰ দুই চৰণাৰবিন্দ॥
ঘোষা-
জয় হৰি ৰাম জয় শ্ৰীৰাম।
পৰম মঙ্গল মাধবৰ গুণ নাম॥
কৃষ্ণ কৃষ্ণ ৰাম জয় জয় ৰাস।
মধু মোৰ মথন মুৰাৰি হৰি ৰাম॥
ঘোষা-
নামতে শৰণ গুৰুতে শৰণ।
সন্তত শৰণ লৈলোঁ জন্ম নিবাৰণ॥
নাম ধৰা এ ভকতৰ কাছে।
আগে গুৰুক দণ্ডবৎ নাম ধৰা পাছে॥
