এই পৃষ্ঠাটোৰ বৈধকৰণ হৈছে
দ্বিতীয় মাহাত্ম্য।
পূৰ্ব্বকথা।
মেধস বদতি, শুনিয়ো নৃপতি,
গোঁসানীৰ জন্ম-কথা।
আপুনি ব্ৰহ্মাই, গুণক বৰ্ণাই,
স্তুতি কৰিলন্ত যথা॥
শুনিয়োক আৰ, কহিবোঁ দুৰ্গাৰ,
অদভূত চৰিত্ৰক।
ৰম্ভা নামে এক, পূৰ্ব্বে আছিলেক,
দৈত্য সিটো অপুত্ৰক॥
পুত্ৰক বাঞ্ছয়, সিটো দৈত্যৰায়,
উগ্ৰতপ আচৰিলা।
অনেক বৎসৰ, পাৰ্ব্বতী-শঙ্কৰ,
দুহন্তক আৰধিলা॥
তাৰ তপস্যাত, আপুনি সাক্ষাত,
তুষ্ট ভৈলা মহেশ্বৰ।
দেখা দিয়া আসি, বুলিলন্ত হাসি,
লৈয়োক বাঞ্চিত বৰ॥
পাছে ৰম্ভাবীৰে, নমি জানু শিৰে,
বুলিলন্ত স্তুতি-বাণী।
অগতিৰ গতি, তুমি পশুপতি,
নমো দেৱ শূলপাণি॥