পৃষ্ঠা:শব্দৰ এলজোলামবোৰ.pdf/৫

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
 

॥ শুভেচ্ছা বাণী ॥

কাব্যিকতাৰ পৰশেৰে জীপাল শব্দাৱলী, ব্যঞ্জনাপূৰ্ণ অভিব্যক্তিৰে সিক্ত বাক্য-বিন্যাস, ছন্দোময় গদ্যশৈলী, হৃদয়স্পৰ্শী ভাষা আৰু অভিনৱ ৰচনা ৰীতিৰ সমাহাৰে ‘শব্দৰ এলজোলামবোৰ:নৈঋতলৈ বুলি’– উপন্যাসখনক সুখপাঠ্য কৰি তুলিছে।

পত্ৰৰ মাধ্যমেৰে হৃদয়ৰ ভাষা প্ৰকাশ কৰাৰ আমেজ মহঙা হোৱাৰ দিনত, যন্ত্ৰৰ দ্বাৰা মানুহ নিয়ন্ত্ৰিত হোৱাৰ যুগত এখন পত্ৰ-উপন্যাস লিখি উলিওৱাটো এক দুঃসাহস যেন লাগে। এনে দুঃসাহস সঁচাকৈ প্ৰশংসনীয়। ‘শব্দৰ এলজোলামবোৰ: নৈঋতলৈ বুলি’ অসমীয়া পত্ৰ-উপন্যাস সাহিত্যৰ নৱতম সংযোজন।

—প্ৰহ্লাদ চন্দ্ৰ তাছা
৮/৯/২০১৬