এই পৃষ্ঠাটোৰ বৈধকৰণ হৈছে
ইথাৰ আৰু বুকুৰ আন্ধাৰ
শব্দবোৰ বিচৰণ কৰি থাকে ইথাৰত
আঁজুৰি আনিব পাৰিলেই
ইবোৰক নিজৰ কৰি ল’ব পাৰি
শব্দবোৰ বিচৰণ কৰি থাকে হেঁপাহত
একান্ত আত্মীয়তা গঢ়ি তুলিব নোৱাৰিলে
ইবোৰক নিজৰ কৰিব নোৱাৰি
বুকুৰ আন্ধাৰতো কিছুমান বস্তু থাকে
আবদাৰ কৰিব জানিলে
ইবোৰ নিজৰ শব্দৰ দৰে জীপাল হৈ উঠে
উৎসভেদে শব্দবোৰ
নিজৰ কৰি ল’ব পৰাটো এটা কলা
শব্দশিল্প এই কলাৰ অধীনস্থ
শব্দশিল্পৰ বাটেৰে কোনোবা সময়ত
বুকুৰ ঘনঘোৰ আন্ধাৰকো
ইথাৰৰ সমকক্ষ যেন লাগে ৷৷
শব্দশিল্পৰ আখৰা/৯
