এই পৃষ্ঠাটোৰ বৈধকৰণ হৈছে
মোৰ অৱস্থাও তথৈবচ
যেতিয়া সেৱা এটা কৰোঁ বুলি
সৰুৱে মোৰ ভৰি দুখন চুব বিচাৰিলে
বাৰুকৈয়ে অনুভৱ কৰিছোঁ
ভৰিবোৰে হেৰুৱাই পেলাইছে ক্রমশঃ
সেৱা গ্ৰহণৰ যোগ্যতা
তৃতীয়দিনা গোসাঁই বিহু
দুদিনৰ হুমুনিয়াহ-সংশয়ৰ বাবে গোসাঁই বিহু দূৰৰ পৰাই চালোঁ
চতুর্থদিনা চেৰা বিহু বুলি
মনতে উচ্চাৰি
সাত বিহু চাৰিতে সামৰি
কর্মথলীলৈ ঢপলিয়ালোঁ
বাকী তিনি বিহুৰ নাম আজিকোপতি নাজানিলোঁ
বাকী তিনি বিহুৰ নাম নজনাকৈয়ে
বিহুক বাপতিসাহোন বুলি পূজি আহিছোঁ ।।
শব্দশিল্পৰ আখৰা / ৪৭
