এই পৃষ্ঠাটোৰ বৈধকৰণ হৈছে
সন্তান বিলাস
গোটেই গাঁওখনতে এটা বুবু-বাবা
নোমলৰ ঘৈণীয়েকৰ গাত আকৌ লেঠা
ছোৱালী এজনী আছেই দেখোন
এয়া চাগে’ ল’ৰাৰ সপোন
নিতান্তই দুখ লগা তাৰ অৰ্থনৈতিক অৱস্থা
হাতত দাখন লৈ ওলাই নগ’লে হৰতাল কৰে তাৰ আখলে
ইফালে সপোনটোৰ বাটেৰে বাট নোবোলাকৈ জীয়াই থকাৰো
অনেক সুবিধা আছে
আগৰ দিনত পাঁচ-ছটা সন্তান মানে এখন তামোলৰ বাট
ইয়াৰ পিছতহে পুনৰ বিবেচনা
পুনৰ বিবেচনা কৰে মানে আৰু দুখোজ
এতিয়া সন্তান মানে বিলাস
এতিয়া সন্তান মানে আভিজাত্যিক স্বাভিমান
সন্তান নহ'লে যে বেসুৰীয়া যুৰীয়া জীৱনৰ গান
সন্তান মানে এতিয়া সম্পূৰ্ণ জিৰণি
ইফালে নমাহ সিফালে কমেও ছমাহ
জিৰণি মানে পাৰিলে উশাহটোও নোলোৱাকৈ থাকিব পাৰিলে ভাল
শব্দশিল্পৰ আখৰা/৪০
