এই পৃষ্ঠাটোৰ বৈধকৰণ হৈছে
আমি ভিতৰত থাকোঁতেই কথাটো ৰাষ্ট্ৰ হ’ল
ওচৰ চুবুৰীয়া, গঞা, ভাইকেইটা, আত্মীয়-স্বজন, জ্ঞাতি-কুটুম্ব, ডাক্তৰ-নাৰ্চ সকলো
পদূলি পালেহি
চৰাইবোৰ চাপি আহিল, আকাশখনো নামি আহিল মোৰ পদূলিলৈ
জাউৰিয়ে-জাউৰিয়ে প্ৰাৰ্থনা-দোৱাই মুখৰ কৰিলে
নৰীয়াত পৰি থকা নিজানৰ নৈখনে বিশ্বস্ত নাৱৰীয়াজনকে
পঠিয়াই দিছে আমাৰ হৈ মাত মাতিবৰ বাবে
বাউলী বতাহছাতিৰ খং কিনো চাবা
পৰা হ’লে তাইতো কাণতলীয়াই শোধাই দিলে হয়
কোভিডৰ গালে-মুখে
তথাপি তাই নিজকে সংযত কৰিলে
তাই যে আমাক বৰ ভাল পায়
এইয়া তাৰেহে প্ৰতিফলন
আমি ভিতৰৰ পৰা ওলাই আহোঁতে
সকলোৱে কোভিডক আগভেটি ধৰি আমাক মুকলি কৰি দিবলৈ খাটনি
ধৰিলে
সকলোৱে নিজা নিজা দৃষ্টিকোণৰ পৰা আমাৰ যে যাবৰ হোৱা নাই তাকে
ক’লে
আমি জানো এয়া তেওঁলোকৰ আবেগ - আমাৰ প্ৰতি আত্মীয়তা
আপ্লুত হ’লোঁ
শব্দশিল্পৰ আখৰা/৩৩
