এই পৃষ্ঠাটোৰ বৈধকৰণ হৈছে
ঘোঁৰা
যজ্ঞ নামৰ এক খেয়ালী উছৱৰ অচিলাৰে
এসময়ত এৰি দিয়া হৈছিল ৰজাৰ ঘোঁৰা
ঘোঁৰা যোৱা বাট ৰজাৰ
ঘোঁৰা যোৱা দেশ ৰজাৰ
বাট অবাট হ’লেই যুদ্ধ
প্ৰতিপক্ষ জিকিলে আত্মৰক্ষা (যিটো সাধাৰণতে নহয় )
হাৰিলে বশ্যতা
ঘোঁৰা মানে দেখাতহে ঘোঁৰা
আচলতে ই ভয়ানক যুদ্ধৰ দামামা
এনেদৰেই ঘোঁৰা গৈ আছিল
লহপহ ভংগিমাৰে এনেদৰেই খেয়ালী ৰজাৰ বুকু বাঢ়িছিল
শাসক, বিৰোধী উভয় পক্ষৰ দ্বাৰা
আমাৰ ইয়াতো ঘোঁৰা এৰি দিয়া হয় সময়ে সময়ে
এৰি দিয়া ঘোঁৰাক সংগসুখেৰে আপ্লুত কৰা
ঘোঁৰাৰ গণনাৰে নিৰ্ধাৰণ কৰা হয় হাৰ-জিত
শব্দশিল্পৰ আখৰা / ২৪
