এই পৃষ্ঠাটোৰ বৈধকৰণ হৈছে
নিখোজ খোজ
(নিখোজ খোজটো সুৰৰ সাধক ৰমেন বৰুৱাৰ হ’ব পাৰে)
হঠাৎ নিখোজ
এটা খোজ
খোজটো আগবাঢ়িছিল
ভৰা লুইতৰ বুকুৰ ফালে
খোজটো শেষবাৰৰ বাবে ধৰি ৰাখিছিল।
উচ্চ ন্যায়ালয়ৰ পহৰা-চকুৱে
খোজটোৱে অন্যায় কৰা নাছিল কাহানিও
সিদিনাও
নহ’লেনো ন্যায়মূৰ্তিৰ সমুখেৰে
পাৰ হ’ব পাৰেনে অনায়াসে
নিখোজ হোৱাৰ আগতে
একাগ্ৰ সাধনাৰ এই খোজটোৱে
পৰিভ্ৰমণ কৰিছিল
অসমৰ পাহাৰ-ভৈয়াম
একাকাৰ কৰিছিল।
সুৰ, চিনেমা,গান
খোজটোৰে নিজাকৈ সংলগ্ন
সুকীয়া চিনাকি, অনন্য স্বাভিমান
শব্দশিল্পৰ আখৰা / ২২
