এই পৃষ্ঠাটোৰ মুদ্ৰণ সংশোধন কৰা হৈছে
৬২
শনি চৰিত
শ্ৰীবৎসৰ নিজ ৰাজ্যলৈ গমন।
পদ
কৃষ্ণক সম্বোধি বোলে ধৰ্ম্ম নৰপতি।
তাত পাছে কি কৰিলা শ্ৰীবৎস নৃপতি॥
শুনিয়াক লাগি প্ৰভো ইচ্ছা ভৈল।
স্বৰূপ কহিয়া কথা কহ দামোদৰ॥
কৃষ্ণ নিগদতি শুনা ধৰ্ম্ম নৰমণি।
বৰ দিয়া বৈকুণ্ঠক চলি গৈলা শনি॥
বাহু নৃপতিৰ ৰাজ্যে আনন্দ মিলিলা।
বিবিধ উৎসৱ তৈতে সমাৰোহে ভৈলা॥
নানাবিধ বাদ্যে বাজ্য ভৈলা মুখৰিত।
ক্ৰীয়া মহোৎসৱ আদি পাতিলা ৰাজ্যত॥
অস্ত্ৰবিদ্যা ইন্দ্ৰজাল বিদ্যা আদি কৰি।
চমক লগাৱে দেখাই যত নৰ নাৰী॥
উত্তম বসন পিন্ধি যত প্ৰজাগণ।
উৎসৱ ক্ৰীয়াত ভৈলা আনন্দে মগন॥
নানামতে ভক্ষ্য ভোজ্য হৈল অয়োজন।
নানাস্থানে ভৈল তৈত ব্ৰাহ্মণ ভোজন॥
যত নগৰীয়ালোক জানিতে পাৰিল।
শালিনী গৃহত ৰাজা শ্ৰীবৎস আছিল॥
প্ৰশংসা কৰিল সবে বাহু নৃপতিক।
বুলিলঙ্ক ধন্য ধন্য ভদ্ৰাৰ ভাগ্যক॥
