এই পৃষ্ঠাটোৰ মুদ্ৰণ সংশোধন কৰা হৈছে
৪৪
শনি চৰিত
আছম্ভ বিবাহ যোগ্যা কন্যা যে আমাৰ।
নুবুলিলা কোনোদিনে মুখে যে তোমাৰ॥
কায়মনো বাক্যে ধৰ্ম্ম পালি আছোঁ আমি।
জানন্ত সমস্ত প্ৰভু ত্ৰিজগত স্বামী॥
তেবে এক কথা ৰাণী শুনিও আমাৰ।
আজি পাতিবোহো আমি ভদ্ৰা স্বয়ম্বৰ॥
এহি বুলি নৰপতি বাহিৰে আসিল৷।
পাত্ৰ মিন্ত্ৰগণ লৈয়া মন্ত্ৰণা কৰিলা॥
পৃথিবীত নৰপতি আছিলা যিমান।
স্বয়ম্বৰ কাৰণে কৰিলা নিমন্ত্ৰণ।
বাহুৰাজা নিমন্ত্ৰণ পাইয়া নৃপগণ।
চতুৰঙ্গ দলে সবে কৰিলা গমন॥
দীৰ্ঘে দশক্ৰোশ পুৰী অতি ৰম্যস্থান।
কৰাইলন্ত বাহুৰাজা বিচিত্ৰ নিৰ্মাণ॥
হেনয় পুৰীত নিমন্ত্ৰিত ৰাজাগণ।
থানে থানে ৰহিলন্ত আনন্দিত মন॥
তুষিলেক বাহুৰাজা সব নৃপতিক।
বিধিমতে কৰিলন্ত পূজা তাসম্বাক॥
তাত পাছে নৰপতি অন্তঃপুৰে গৈলা।
অধিবাস কাৰ্য্যমানে সমাপন কৈলা॥
ষষ্ঠাদি অৰ্চ্চন কৰি বিধি অনুসাৰে।
ষোড়শ মাতৃকা পূজা কৰি অনন্তৰে॥
