এই পৃষ্ঠাটোৰ মুদ্ৰণ সংশোধন কৰা হৈছে
৪০
শনি চৰিত
বঞ্চে ৰাজা সুগোপনে।
কোনো লোক নাহি জানে॥
শুনা ধৰ্ম্ম নৰবৰ।
বিচিত্ৰ গতি দৈব্যৰ॥
শুভকাল আসে যাৰ।
ক্ৰমে শুভ হয় তাৰ॥
সেহি ৰাজ্যে বাহু ৰাজা।
নৰপতি মহাতেজা॥
ভদ্ৰা নামে কন্যা তাৰ।
উপমা নাহিকে যাৰ॥
ৰূপে যেন তিলোত্তমা।
ক্ষমাশীলা ধৰাসম॥
গুণে যেন সৰস্বতী।
তপে অগ্নি স্বাহাৱতী॥
কৰিলা, কঠোৰ তপ।
হৰগৌৰী কৰি জপ॥
তুষ্ট ভৈলা ভগৱতী।
বুলিলা ভদ্ৰাৰ প্ৰতি॥
তযু প্ৰতি ভৈলো তুষ্ট।
বৰ লোৱা যেন ইষ্ট।
হেন শুনি ভদ্ৰাৱতী।
মনে চিত্তি গুণৱৰ্তী॥
