এই পৃষ্ঠাটোৰ বৈধকৰণ হৈছে
২৬
শনি চৰিত
সবাকো তুষিলা ৰাজা বিনয় বচনে।
চলিলা কাঠুৰগণ অতি হৃষ্ট মনে॥
শুনা ৰাজা যুধিষ্ঠিৰ কথা আতপৰ।
যিমতে বিপদ আসে শ্ৰীবৎস নৃপৰ॥
একদিনা সিথানে বণিক একজন।
চপাইলা তাহাৰ নৌকা বানিজ্য কাৰণ॥
অকস্মাতে বালিচৰে লাগে নৌকা তাৰ।
বিষম শঙ্কটে পৰে সেই সদাগৰ॥
কি কৰিবো কিবা হৈবে চিন্তে মনে মনে।
হেনকালে দেখা ৰাজা পাণ্ডুৰ নন্দন॥
হাতে লৈয়া পুথি পাঁজি ছদ্মবেশ ধৰি।
গণক হইয়া শনি আসে শীঘ্ৰ কৰি॥
পাঁজি মেলি বোলে সাধু শুনিয়ো কাৰণ৷
যিবা হেতু ভৈল তযু এনুৱা ঘটন॥
তযু ভাৰ্য্যা নবগ্ৰহ অৰ্চ্চনা কৰন্তে।
অৱজ্ঞা কৰিয়া তুমি আইলা গৃহ হন্তে॥
সেহি হেতু ভৈল তযু এনুৱা অৱস্থা।
স্বৰূপ কহিলো সাধু শুনা মোৰ কথা॥
হেন শুনি বোলে সাধু কৰি যোড় হাত।
যতেক কহিলা মানে মিছা নাহি তাত॥
এবে কোন কৰ্ম্ম কৰো কৈয়ো দয়া কৰি।
গণক বুলিলা চলি যাইবে তযু তৰী॥
