এই পৃষ্ঠাটোৰ বৈধকৰণ হৈছে
১৮
শনি চৰিত
তাত পাছে কাথা পাৰ কৰি দিব আমি।
নিৰ্ভয়ে চলিয়া যাইবে পাৰিবাহা তুমি॥
হেন শুনি ৰাজা পাছে মনে গুণি চাইলা।
কাথা আগে কৰোঁ পাৰ সিদ্ধান্ত কৰিলা॥
দুইজনে কাথাখানি ধৰাধৰি কৰি।
যতনে তুলিয়া দিলা নৌকাৰ ওপৰি॥
কাণ্ডাৰী গৈলন্ত চলি ভগ্ন নৌকা বাই।
অকস্মাতে সেই নদী গৈলন্ত শুকাই॥
বুজিবে পাৰিলা পাছে শ্ৰীবৎস ৰাজন।
ছলনা কৰিলা আসি সূৰ্য্যৰ নন্দন॥
হাঁয় হাঁয় কৰে ৰাজ্য ধন গৈল বুলি।
শনিৰ কৌশল ৰাজা বুজিলা সমূলি॥
মায়া নদী সৃষ্টি কৰি কাণ্ডাৰী হইয়া।
আসিয়া সকলো ধন নিলেক হৰিয়া॥
দুখৰ ওপৰি দুখ ভুগি দুয়োজন।
প্ৰবেশ কৰিল গৈয়া চিত্ৰধ্বজ বন॥
হেনকালে ৰজনী প্ৰভাত আসি ভৈলা।
পূৰ্ব্ব দিকে দিনমনি উদয় হইল৷॥
হাথিতে নপাবি পাৱে শ্ৰান্ত হৈয়া অতি।
বিশ্ৰাম কৰিবে ৰাণী কৰিলেক মতি॥
আছিলেক সেহি স্থানে দিব্য সৰোবৰ।
নানাবিধ ফুল ফল আছিল বিস্তৰ॥
