এই পৃষ্ঠাটোৰ বৈধকৰণ হৈছে
৩৪
[ ২য় অঙ্ক
শকুনিৰ প্রতিশোধ
| শিয়াল-শগুণ বহি মঙ্গহ টনা-আজোৰা কৰিব, সেই দিনা আমাৰ কিমান আনন্দ হব? |
| কৰ্ণ— | সেই শুভদিনলৈ আৰু বেচি অপেক্ষা কৰিব নেলাগে দুঃশাসন, সেই দিন আহিছে। |
| দুঃশা— | আহিবই লাগিব। দুৰ্য্যোধন দুঃশাসনৰ গদা, কৰ্ণ মহাৰথীৰ ধনু আৰু শকুনিৰ মন্ত্ৰণা ধেমালিৰ কথা নহয়। সেই দিন আনিবই লাগিব। বাৰু আপুনি অলপ অপেক্ষা কৰক, মই দাদাক জনাওঁ। [ প্ৰস্থান ] |
| কৰ্ণ— | [ স্বগতঃ ] কৃষ্ণ! হ’ব পাৰা তুমি নৰৰূপী ভগৱান, সেই বুলি পাৰ্থৰ মৃত্যুত হস্তক্ষেপ কৰিলে নচলিব। পাৰ্থক ৰাখিব নোৱাৰিবা।
[বিষণ্ণ মনেৰে দুৰ্য্যোধনৰ প্ৰবেশ] আহাঁ সখা। |
| দুৰ্য্যো— | অঙ্গাধিপতি, পাণ্ডৱৰ পৰাজয় বাৰ্ত্তা শুনি সুখী হ'লো। |
| কৰ্ণ— | তিৰস্কাৰ নকৰিবা সখা। |
| দুৰ্য্যো— | তিৰস্কাৰ নাই কৰা মহাৰাজ, তোমাৰ গুণ-কীৰ্ত্তন কৰিছোঁ। |
| কৰ্ণ— | [ অলপ খঙেৰে ] সখা- |
| দুৰ্য্যো— | [ খঙেৰে ] কি- |
| কৰ্ণ— | কৰ্ণ এতিয়াও জীয়াই আছে। |
| দুৰ্য্যো— | এটা সামান্য কুৰু-সেনায়ো পলৰীয়া হৈ প্ৰাণ ধাৰণ কৰিবলৈ লাজ পায় মহাৰাজ। |
| কৰ্ণ— | কুৰুপতি, ই আজি কেনে ব্যৱহাৰ? |
