এই পৃষ্ঠাটোৰ বৈধকৰণ হৈছে
শ্ৰীশ্ৰীৰামচন্দ্রায় নমঃ
লৱ-কুশৰ যুদ্ধ
⸻
শ্ৰীৰামচন্দ্ৰৰ অশ্বমেধ যজ্ঞৰ ইচ্ছা
পদ
ৰাম দেৱ বদতি শুনিয়ো ঋষিলােক।
নিঃশঙ্ক কৰিয়া অনুমতি দিয়া মােক॥
সুৱৰ্ণৰ প্রতিমা সাজিয়াে সীতা থানে।
অশ্বব্ৰতী ব্ৰত আৰম্ভিবাে একমনে ॥১
শুনিয়োক ৰাজঋষি গৰিষ্ঠ আমাৰ ।
পাতক সাগৰে যেন সবে কৰা পাৰ ॥
অশ্বমেধ কৰিবাক মােৰ মহাৰঙ্গ।
দেৱ দ্বিজ পিতৃৰ নকৰা আশা ভঙ্গ ॥২
বশিষ্ঠ বদতি শুনা শুনা সাধু ৰাম ।
অশ্বমেধ কৰিবাক মােৰ হয় মন॥
