এই পৃষ্ঠাটোৰ মুদ্ৰণ সংশোধন কৰা হৈছে
২৪
লৱ-কুশৰ যুদ্ধ
নাহি ইষ্ট মিত্র বন্ধু বান্ধৱ সােদৰ।
কি কাৰণে মৰিবাক আইলি একেশ্বৰ।।
হেন জানাে তােৰ আজি নাহিকে নিস্তাৰ।
এহি বুলি দশ শৰ কৰিলা প্ৰহাৰ ॥১১১
দশ শৰ আসে দেখি সীতাৰ সন্তান।
মহাকোপে আটোপে ধৰিলা ধনুখান ॥
তােক আজি উচ্ছন্ন কৰিবো সমৰত।
শৰ হানি শৰসব কাটিলা বাটত ॥১১২
পুনৰপি কুশে হানিলেক শৰচয়।
চাৰি শৰ হানি মাৰিলেক চাৰি হয়।।
আউৰ শৰে কাটিলেক সাৰথিৰ শিৰ।
তিল সম কৰি ধ্বজ কাটিলন্ত বীৰ ॥১১৩
আগে পাচে ৰথত আছিলা যত বীৰ ।
শৰ হানি কুশে তাৰ ছেদিলন্ত শিৰ।।
কৱচ কুণ্ডল পিন্ধি আছে সেনাপতি।
তাক কাটি পেলাইলেক সীতাৰ সন্ততি ॥১১৪
তথাপিতাে উপশান্ত নভৈলা কুশৰ।
শৰ হানি ধনুখান কাটিলা হাতৰ।।
কৰীকৰ সম উৰু ৰাতুল বিশাল।
শৰ হানি কুশে ছেদিলন্ত সেহিকাল।।১১৫
বিগুটি বিগুটি সেনা মাৰি সমৰত।
কাটিলা চৰণ দুই আঠু উপৰত।।
