এই পৃষ্ঠাটোৰ বৈধকৰণ হৈছে
৬৬৪
লীলা
বিধাতাৰ বান্ধনীৰ শত বান্ধ ছিঙ্গি।
শলাগিলে ব্ৰহ্মপুত্ৰে, সঙ্কেতে সহায়।
—আঁতৰিল যমদূত; নোৱাৰি সহিব,
সতী-তেজ-অগনিৰ তাপ। গল এৰি
দুৰ্ভগীয়া প্ৰাণ, হিয়াভেদী শেল ঘূৰি
সহিবৰ গুণে, প্ৰিয়তমা বিচ্ছেদত;—
দিঠকৰ অগোচৰ, সপোনৰো আৰ,
শেহৰ সিদিনা হাঁয়, লীলা সংসাৰৰ,
সংঘটিল যেই দিনা, যথা সময়ত,
অন্তিমৰ চোৱাচুই ভৰ হেঁপাহৰ
পিৰিকনি এটি সতে আন্ধাৰি জগত!
মছিলে নাযায় মছা সোঁৱৰণী ৰেখ,
ধাৰে বোৱা চকুলোৰে দুগাল ঢৌৱায়।
