এই পৃষ্ঠাটোৰ বৈধকৰণ হৈছে
৬১৫
লীলা
ভিতৰি আশঙ্কা এটি জ্বলে মিট্মিট্,
অঘটন ঘটে জানো,—অন্য অৰ্দ্ধাঙ্গিনী!—
আচৰিত, বাছনিত পৰিল সঁচাকে',
অন্য এক অৰ্দ্ধাঙ্গিনী মানৱ চকুত!
সাধ্য কি প্ৰকৃত ধৰে মায়াৰ মানৱে।
ভাগ্যে মোৰ কিন্তু হাঁয়,—বিধিৰ লিখন,—
লৰিল যতেকমানে মানৱ ব্যৱস্থা।
ললেহি আপুনি যেন, পাত্ৰীৰ আসন,
অৰ্দ্ধাঙ্গিনী লীলা মোৰ আচম্বিত ভাৱে;
পূৰ্ব প্ৰেম লীলা-খেলা লই লীলাৱতী!
জনমত দেখা নাই; তথাপি প্ৰাণত
অদৃশ্য ধাৰেৰে বলে মিলনৰ সোঁত;—
চিনিলে আত্মাই মোৰ, অৰ্দ্ধ-আত্মা তাৰ।
৪১
