এই পৃষ্ঠাটোৰ বৈধকৰণ হৈছে
লভিতা
[চতুৰ্থ অঙ্ক—২য় দৰ্শন
২য় নাৰ্ছ। এৰা! (হাতৰ ঘড়ী চাই) এতিয়া দেখোন ৯ বাজি ২০ মিনিট গলেই। ঠিক ১০ বজাত ইয়াৰ পৰা বোলে ৰাওনা হবই লাগিব। তেহে সন্ধিয়া কহিমা পোৱাগৈ হব। মই ককাইটিক মাতি পঠিয়াইছিলো ৰাতিপুৱাই আহিবলৈ । এতিয়ালৈকে দেখোন খবৰেই নাই ।
১ম নাৰ্ছ। এৰা, আমাৰ পিতাইহঁত অহাৰ কথা আছিল ।
কেপটেইন শৰ্ম্মা। সোণচাকী কাৰ নাম?
১ম নাৰ্ছ। মোৰ নাম ছাৰ্।
কেঃ শৰ্ম্মা। হামদৈ কাৰ নাম ?
২য় নাৰ্ছ। মোৰ নাম ছাৰ।
কেঃ শৰ্ম্মা। অ’ তোমালোকৰ ঘৰৰ পৰা পিতায়েৰা আৰু ককায়েৰা আহিছে। সেই অফিচৰ বাৰান্দাতে আছে। দেখা কৰি আহা। কুইক্ কুইক্ কুইক্ । দহ মিনিটৰ ভিতৰত দেখা কৰা হব লাগিব ।
(দুয়ো-জনীযে হাঁহি ‘বাৰু ছাৰ’ বুলি খৰ খেদাকৈ ওলাই যায়।)
শৰ্মাই। (মুখত এটা চিগাৰেট লগাই লৈ লভিতালৈ চাই,) তোমাৰ নাম কি?
লভিতা। লভিতা বৰুৱা ।
৬৮