এই পৃষ্ঠাটোৰ বৈধকৰণ হৈছে
দ্বিতীয় অঙ্ক–২য় দৰ্শন]
লভিতা
মৌজাদাৰনী। চুপ্ থাক বেটী! বইজাত চুপ্ থাক। বেছি কথা কলে—বাঢ়নিৰে কোবাই দিম-বুজিছ?
লভিতা। (খঙত উগ্ৰ হৈ) কোবাওকচোন বাঢ়নিৰে!
মৌজাদাৰনী।(জাপমাৰি আহি) কটাৰ জী বেটী! বৰ সাহ দেখোন? বৰ সাহ দেখোন?
লভিতা। অ’ হবতো সাহ! সঁচা কথা কবলৈ কাৰ সাহ নহব? (কান্দি) নাথাকো মই এনেকুৱা মানুহৰ ঘৰত। ঘৰে ঘৰে খুজি খাম। লুইতত জাপ দি মৰিমগৈ। তেও মই এনেকুৱা মানুহৰ ঘৰত নাথাকো–নাথাকো।
মৌজাদাৰ। কি হ’ল? কি হ’ল?
গাঁওবুঢ়া। দেউতা! দেউতা! এই বেটী কমিনিষ্ট হ’ল। কমিনিষ্ট হ’ল ৷
