পৃষ্ঠা:ল'ৰা-ছোৱালীৰ ৰং-ঘৰীয়া খেল.pdf/৭৩

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


কৰিব। ক্ৰমাগত ভাৱে দিব (ঝ) তাৰ পিছত ক্ৰমাগত ভাৱে বুৰ মাৰিব আৰু ঘৰলৈ লৰ দিব।
 এই পাঠটোত ৰং-ৰগৰ, গীত আৰু ব্যায়াম সকলো হ’ব।

 (৯) লাচিতৰ জয়-যাত্ৰা :—
  (১) শৰাইঘাটৰ যুদ্ধত জয়ী হৈ লাচিত বৰফুকন চেউনি আলিয়েদি সসৈন্যে ঘোঁৰাৰ পিঠিত, ৰংপুৰত স্বৰ্গদেৱক সেৱা জনাই ৰণৰ বা-বাতৰি দিবলৈ আহিছে;—
 ল’ৰাবোৰে বহি লৈ আঠুত বাঁৱে-সোঁৱে ( alternate কৰি ) চাপৰি মাৰিব।
  (২) মুকলি পথাৰ পাইছেহি;–
   হাত দুখন খোলা পাতি লৈ চাপৰি মাৰিব।
  (৩) কদমত গৈছে;—
   হাত দুখন পিচলাই পিচলাই চাপৰি মৰিব।
  (৪) মিকিৰ পৰ্ব্বতত উঠিছে;
   লাহে লাহে আঠুত হাত মাৰিব।
  (৫) মিকিৰ পৰ্ব্বতৰ পৰা নামিছে;
   খৰকৈ মাৰিব।
  (৬) মুকলি পথাৰ আৰু কদম।
  (৭) কাকদোঙা দলঙ পাইছেহি;
   বুকুত হাত মাৰিব।
  (৮) মুকলি পথাৰ অাৰু কদম।
  (৯) নামদাঙৰ শিলৰ সাঁকো;
   মাটিত হাত মাৰিব।