এই পৃষ্ঠাটোৰ বৈধকৰণ হৈছে
ইয়াৰ পিছত আহিল সেই পৰম বিষাদৰ দিনটো। ১৯৫৬ চনৰ ১৬
ফেব্ৰুৱাৰী।
সেইদিনাই গাড়ীৰ পৰা নামি ৰাষ্ট্ৰপতি ভৱনলৈ যোৱাৰ বাটত হঠাৎ হৃদযন্ত্ৰৰ ক্ৰিয়া বন্ধ হৈ আকস্মিকভাৱে এইজনা বিজ্ঞানসাধকৰ মৃত্যু হয়। তেওঁৰ মৃত্যুৰ লগে লগে ভাৰতৰ বিজ্ঞান ইতিহাসৰ এক উজ্বল আৰু স্মৰণীয় অধ্যায়ৰো অন্ত পৰে।
মেঘনাদ সাহা বিজ্ঞানৰ ইতিহাসৰ এক বিশাল অধ্যায়। তেওঁ এনে এক জীৱন কাহিনী এৰি থৈ গৈছে, যি সকলোৰে বাবে অনুকৰণীয়। সেই অনুকৰণীয় দিশটো হ’ল : জ্ঞান অন্বেষণৰ স্পৃহা, সহিষ্ণুতা, পৰিৱেশৰ লগত মিলি গৈ নিজৰ পৰিৱেশ তৈয়াৰ কৰি তোলাৰ অনমনীয় মানসিকতা, সীমাহীন সাহস আৰু স্বদেশিকতা।
