এই পৃষ্ঠাটোৰ বৈধকৰণ হৈছে
॥ মিলন ॥
[ ৮ ]
চিল্ মিল্ চকু দুটি মুদি মুদি মই
আঁকিলোঁ হেজাৰ চিত্ৰলেখা
কতো যে নুঠিল বিকশিত হৈ
লাৱণী তোমাৰ ৰূপৰ ৰেখা।
খালোঁ হাবাথুৰি বিচাৰি বিচাৰি
পাৰাপাৰ হীন দিগন্ত ৰেখা
নেপালোঁ তথাপি মধু পৰশন
কতো যে নেপালোঁ তোমাক দেখা।
কোৱা হেৰা তুমি মানসী ৰাণী
ক’ত নো আজি লুকালা গৈ,
অকলশৰে এৰি তুমি মোক
গ’লা নেকি বাৰু সৰগলৈ?
যদিহে আছা সৰগত তুমি
দিয়া দৰিশন তাৰেই পৰা,
ৰৈ আছোঁ মই তোমাকেই ভাবি
সাৱটি বুকুত অপূৰ্ণ আশা
।
[ ৬ ]
15
