এই পৃষ্ঠাটোৰ বৈধকৰণ হৈছে
পুং ডাইনী
যোৱাৰাতি জোনাকত
হত্যাকাৰীটোক লগ পালোঃ
ৰত্নাকৰৰ দৰে
অঙ্গুলিমালৰ দৰে
চেহেৰা নহয় তাৰ
তেনেই নিৰীহ দৃষ্টি
বিৰক্তিত কোঁচ খাই কপালৰ গাঁঠি
বিষাদত ভাঁজ পৰে ওঁঠৰ প্ৰান্তত
নিৰ্বিশেষ মানুহ সি
এদিন সি
বিশ্বাসৰ নিমাখিত দৃষ্টিক ভেঙুচালি কৰি
অভয় মুদ্ৰাৰে মেলি দিলে দক্ষিণ হস্ত
পিচ্কাৰীৰ দৰে ওলাই গ’ল
অতি সংবেদী প্ৰজ্বালকৰ ফুঁৱাৰা
মানুহজনীক জ্বলাই
ওঁঠত গুজি ল’লে সি
অনায়াসৰ চিগাৰেট এটা
শঙ্খৰ নাদ আৰু ডবা-কাঁহৰ শব্দত
মা টি ৰ মা লি তা ২৩
