পৃষ্ঠা:মাটিৰ চাকিৰ শিখা.pdf/৪৪

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৩২
 

সাতো বাই-ভনীৰে  বিহুৰ ৰং ধেমালি
 ৰংঘৰত উঠি চাব।
এইহেন বিহুটিত  আই নাকান্দিবি
 পাটিৰে মৰা শ চাই
যোৱাটিৰ কাৰণে  শোক-তাপ অযথা
 আয়ুস চাউলেই নাই।
এদেও দুদেওকৈ  সকলো নিলে তোৰ
 গিয়াতীয়ে থাকিলে চাই
বুকুৰে কুটুম হৈ  বুকুত কামুৰিলে
 তোৰ হৈ মাতোতা নাই।
বুকুৰে বেজাৰ তোৰ  আই মোৰ দুখুনী,
 বুকুতে সামৰি থ
তোৰে চোতালত  মানৰ বিহুমেলা
 নয়ন ভৰি চাই ল।
মাঘবিহু
১৯৭৯ চন।

শিল্পীৰ মৃত্যু

হে শিল্পী অনন্য, অমূলক মৃত্যুভয়
তুমি মৰিবা কিদৰে?
তুমি তো নোহোৱা কোনো ভুৱা নেতা
ৰাইজৰ তেজেৰে শকত
জীৱনৰ ম্যাদ যাৰ পাচোটি বছৰ।
তুমি স্ৰষ্টা--কণ্ঠত অমিয়া
আঙুলিত মায়াময় সুৰৰ আবেশ, .
বাটে-ঘাটে প্ৰসাদে-কুটীৰে
তিতা-মিঠা নানা ৰস টুকি-টুকি
মৌ-চাক ৰচা যাৰ কাম,