এই পৃষ্ঠাটোৰ বৈধকৰণ হৈছে
৩১
এইবেলি বিহুটি
এইবেলি বিহুটি ৰমকে ঐ দুমকে
উজনীত লাগিছে বা
মেজিৰ জুই জ্বলিছে ৰংপুৰ দলদোপ
সাতখন-আঠখন গা।
এইবেলি নাচনী কেচাইখাতী গোসানী
কালিকা চৰিছে গাত
টকা-পেঁপা হিলৈ ৰণ শিঙাৰ শৱদ
কিৰিলিত সৰিছে পাত।
হাবিৰ গোনা মহে পদূলিত যুঁজিছে
গছকত দুবৰি মৰে
শেনচোৱা বৰুৱাই শেন মেলি দিলে
চোঁ মাৰি কণুৱা ধৰে।
পাহোৱাল বিহুৱাৰ গাতে ঐ জীয়া জুই
পীৰিিতৰ পোৰণিত মৰে
পীৰিতিৰ জৰীৰে খোৰোচা গাঁঠিটি
টেটু চেপা মাৰি ধৰে।
কণ কণ পোণাহঁত, মোৱা চীনা আলু
অগনিৰ ভাপতে সিজে
শিয়ালে শগুনে বিহু ভোজ পাতিছে
অঙহী-বঙহীৰ সতে।
স্বৰ্গদেউ ওলালে বাট চ’ৰাৰ মূৰলৈ
প্ৰজাৰ বা-বাতৰি লব