এই পৃষ্ঠাটোৰ বৈধকৰণ হৈছে
১৭
আনপিনে বিচিত্ৰ মণ্ডপ
মহিষাসুৰৰ পূজা পূৰ্ণ পয়োভৰে।
ঢাল-ঢোলৰ প্ৰচণ্ড শব্দত ডুবে
ক্ষুধিতৰ হাঁহাকাৰ, আৰ্তৰ বিননি;
উদগ্ৰ লালসা বহ্নি
শোষিতৰ তেজৰ আহুতি
ধুমায়িত সমগ্ৰ পৃথিৱী;
নৰবলি নিৰ্বিচাৰে চলে
পৰিতৃপ্ত জাগ্ৰত দেৱতা।
ওচৰা-ওচৰিকৈ দুভাগ পূজা
মাজত এখন লৌকিকতাৰ আঁৰ কাপোৰ
১৯৭৪ চন।
ডেচডিমোনাৰ উক্তি : অথেলোৰ প্ৰতি
স্বামী মোৰ, দ্বিধা নাই, আহা কাষলৈ।
মই তো নহওঁ মৃতা
যি চকুৰ পাহি জাপ গ'ল
ধৰণীৰ মায়াময় সুষমা ধিয়াই
চোৱা উন্মিলীত সেই চকু
অসীমৰ অনন্ত জ্যোতিত।
মই তো নহওঁ মৃত
নিষ্পেষিত মানৱতা মৃত্যুহীন অক্ষয় অম্লান ,
