এই পৃষ্ঠাটোৰ বৈধকৰণ হৈছে
২
সন্তান
তোৰ চকুৰ নীলাত
মোৰ সুখৰ সূৰ্য্য জ্বলে,
তোৰ ওঠৰ হাঁহিত
মোৰ সপোন শেৱালি ফুলে,
তোৰ দুখৰ ডাৱৰ ফালি
বজ্ৰ-বিজুলীয়ে বুকু দেই পুৰি মাৰে;
পাহৰিলোঁ কোনদিনা
মৃদু এক ভ্ৰূণকম্পনত
মোৰ সত্ত্বা ভাঙি খহি তোতে লীন হ'ল।
১৯৭৫ চন।
মোৰ দুখ মোৰ সুখ
দুখৰ অকূল সাগৰত
মই ককবকাই ফুৰিছোঁ;
চেতনাৰ সৰ্বাংগত
ধাঁৰাল ঢৌৰ কোব ,
বাসনাৰ শিখৰ শিপাৰে উদিত
মোৰ সুখৰ সূৰ্য্য
নিতে মাৰ যায় সেই জলধিতে;
হেঙুলীয়া অৱশেষ ঢাকি
বেদনাৰ নীল-ছায়া ক্ৰমে আগুৱায়
খন্তেক পিছতে নামে এৰাতি এন্ধাৰ।
১৯৭৫ টন।