এই পৃষ্ঠাটোৰ বৈধকৰণ হৈছে
(৩)
মহিলা-কীৰ্ত্তন।
মহা বলন্তে দুৰ্ব্বাসনা ঘোৰ হৰি এ,
আমাৰ মনক তেজিয়া দূৰ নযাই ৰাম ৰাম॥
তোমাৰ মায়াৰে মন মুহি আছে হৰি এ,
অজ্ঞান আন্ধাৰে পৰিয়া পাৰ নাপাওঁ ৰাম ৰাম।
অভয় চৰণে শৰণ পশিলো হৰি এ,
তুৱা গুণ নাম ভকতি প্ৰদীপ চাওঁ ৰাম ৰাম।
ভকতি মিনতি প্ৰণতি নাজানো হৰি এ,
মোত পৰে জ্ঞানশূন্য হীনমহি নাই ৰাম ৰাম।
তুমি প্ৰভু কৃপা বসেৰ সাগৰ হৰি এ,
দিয়ো মোক তুৱা পদ-ছায়া তলে ঠাই ৰাম ৰাম॥
কীৰ্ত্তন
(পদবিলাক লগাই দিব আৰু চন্দৰ শেষে শেষে
সকলোৱে চাপৰি বজাই ঘোষা গাব।)
(ঘোষা) জয় জয় ৰাম কৰুণা সাগৰ এ।
মোক নাৰায়ণ ইবাৰ কৰিয়ো দায়া॥
(পদ) পতিত পাৱন বুলি নাৰায়ণ এ।
পৰম পতিতে ডাকে আতুৰ হৈয়া।১
তযু বেদ বাণী আমি আছো শুনি এ।
মহাপাপী তৰে তযু গুণ নাম লৈয়া॥২
