এই পৃষ্ঠাটোৰ বৈধকৰণ হৈছে
(৪৫)
মহিলা কীৰ্ত্তন।
অ হৰি এ, দয়াশীল দেৱ,
তুৱা পদ কমলে সদায় কৰো সেৱ,
হে দয়াশীল দেৱ॥
অ হৰি এ, কৰুণা সাগৰ,
আমি দুখিতক নাছাৰিবা দামোদৰ,
হে কৰুণা সাগৰ।
অ হৰি এ, কমল লোচন,
তুৱা গুণ নাম ভৱ ভয় বিমোচন,
হে কমল লোচন॥
অ হৰি এ, মধুৰিপু ৰাম,
বন্দো পদ কমল যুগল ৰাম ৰাম,
হে মধুৰিপু ৰাম।
অ হৰি এ, যাদৱ ৰায়,
অৰুণ চৰণ তলে আমাক দিয়া ঠাই,
হে যাদৱ ৰায়,
অ হৰি এ, বৈকুণ্ঠৰ পতি,
পৰি পৰি সেৱা কৰে লক্ষ্মী সৰস্বতী,
হে বৈকুণ্ঠৰ পতি।
অ হৰি এ, নিৰঞ্জন দেৱ,
অগতিৰ গতি তুমি বিনে নাহি কেৱ,
হে নিৰঞ্জন দেৱ।
