এই পৃষ্ঠাটোৰ বৈধকৰণ হৈছে
(১) জন্মাষ্টমীৰ নাম আৰু গোসাই নাম
(ক)
কীৰ্ত্তন
(ঘোষা)
(১)
আজি ৰাতি, শিলা বৰষিলে এ, নুশুনো প্ৰজাৰ মাত।
পালি প্ৰহৰীয়া সবে নিদ্ৰা গলে, উপজিলে জগন্নাথ ।।
(পদ)
ব্ৰহ্মা সিদ্ধ মুনি, অ হৰি অ ৰাম,
আদিয়ো নপাৱে, অ হৰি অ ৰাম,
পূজিবে তোমাৰ পাৱ।
কিবা স্তুতি নতি, অ হৰি অ ৰাম,
কৰিবোহো আমি, অ হৰি অ ৰাম,
অসুৰ ক্ৰুৰ স্বভাৱ॥
ধনী জন তপ, অ হৰি অ ৰাম,
প্ৰভাৱে তোমাক, অ হৰি অ ৰাম,
অৰাধিবে সক্য নাই।
গজেন্দ্ৰে কেৱলে, অ হৰি অ ৰাম,
ভকতি কৰিলে, অ হৰি অ ৰাম,
পৰম আপদ পাই।
তুমি জগ জীৱ, অ হৰি অ ৰাম,
তোমাক পূজিলে, অ হৰি অ ৰাম,
মিলে আপোনাতে যাই।
