পৃষ্ঠা:মহাৰাণী.pdf/৪০

৩১

মহাৰাণী ৷

কালৰ পাচতে, প্ৰিয়তমা কন্যা এলিচা আৰু নুমলীয়া পুত্ৰ লিও- পোল্ডৰ অকাল-মৃত্যুত মহাৰাণী একেবাৰে মৰণান্তিক হৈ পৰিল। ইমান সন্তাপতো মহাৰাণীয়ে মনৰ শোক মনতে মাৰ নিয়াই ৰাজ- কাৰ্য্যত মনোযোগ দিছিল। এই দৰে কিছুকাল যোৱাৰ পাচত, খ্ৰীঃ ১৮৯১ চনত আকৌ এটা মহা শোকৰ খুন্দাত মহাৰাণী অস্থিৰ হৈ পৰিল। মহাৰাণীৰ অতি চেনেহৰ বৰ নাতি, কোৱঁৰ এড- ৱাৰ্ডৰ প্ৰথম পুত্ৰ, নাতি-কোৱঁৰ এলবাৰ্ট ভিক্টৰ অকাল-মৃত্যু ঘটিল। এই জন কোৱঁৰ ভাৰতবৰ্ষলৈকো আহিছিল; আৰু ৰাজপৰিয়ালৰ ভিতৰত এওঁ মহাৰাণীৰ সবাত্‌কৈ অধিক চেনেহৰ আছিল। এওঁৰ অকাল-মৃত্যুত মহাৰাণীৰ ভগা বুকুত-শোকৰ বিষম খুন্দা পৰিল। কিন্তু, ইমানতো দেবীতুল্যা ভাগ্যৱতী মহাৰাণীৰ সন্তাপৰ অন্ত নপৰিল! মহাৰাণীৰ অতি চেনেহৰ মাজিউ পুত্ৰ ডিউক তাৱ এডিনবৰা অকালত কালৰ গৰাহত পৰিল! এই বিলাক বিয়োগ-শোকৰ উপৰিও, ৰাজকীয় দুৰ্ঘটনাই মহাৰাণীৰ জীৱনৰ শেহছোৱাত অশান্তি ঘটাৱলৈ ধৰিলে। ওপৰত কৈ অহা লেকেতীয়া বুৱৰ-ৰণত অসংখ্য নৰ-প্ৰাণীহানি হোৱাত দয়া- ৱতী মহাৰাণীৰ মন-প্ৰাণ অস্থিৰ হৈ পৰিছিল। মৃত্যুৰ আগ ভাগ- লৈকে এই যুদ্ধৰ কথা ভাবি আৰু তাৰ গতি-গোত্ৰ চাই তেওঁ চকু লো টুকিছিল।