পৃষ্ঠা:মহাপুৰুষ শঙ্কৰদেৱৰ বাণী.pdf/২৩৩

ৱিকিউৎসৰ পৰা
এই পৃষ্ঠাটোৰ মুদ্ৰণ সংশোধন কৰা হৈছে
২১১
মহাপুৰুষ শঙ্কৰদেৱৰ বাণী

এতেকে দুঃসঙ্গ এৰি বুদ্ধিমন্তজন।
সাধুৰ সঙ্গক মাত্ৰ লৈবে সৰ্ব্বক্ষণ॥

(ৰত্নাকৰ ভা:, +৮৮)

৫। সাধু-সঙ্গ লৈয়া যিটো কৰয় ভকতি।
 মাধৱৰ অনুগ্ৰহ হোৱে তাক প্ৰতি॥
 জ্ঞান বিৰকতি আসি উপজয় তাৰ।
 মায়াময়, সংসাৰৰ সুখে হোৱে পাৰ॥

(ৰত্নাকৰ ভা:, ১০৩৭)

৬। ইন্দ্ৰিয়ক জিনিবাৰ আছে যাৰ মতি।
 সততে কৰোক যত্ন সাধুৰ সঙ্গতি॥

(দ্বিতীয়, ৪১)

৭৷ নাই তপ ব্ৰত শৌচ নপঢ়িল বেদ।
 নজানে অজ্ঞানে একো শাস্ত্ৰ তত্ব ভেদ।
 কেৱল সাধুৰ সঙ্গ মোক্ষ সাধে গতি।
 সৎসঙ্গত পৰে নাই উপায় সম্প্ৰতি॥

(একাদশ, ১৮০)

৮৷ মোক্ষতো অধিক সখি সাধুৰ সঙ্গম।
 যাহাৰ ৰেণুক স্বৰ্গ-সুখে নোহে সম॥

(একাদশ, ১৭৭)

৯। অতি অল্পকাল সঙ্গ মহন্তসৱৰ।
 স্বৰ্গে মোক্ষে তাহাৰ সমান নুহিকয়॥

(ৰত্নাকৰ ৫৮৫৯)