এই পৃষ্ঠাটোৰ বৈধকৰণ হৈছে
১৪৫
মহাপুৰুষ শংকৰদেৱৰ বাণী
পাৱে পৰি কৰো মই কাকূতি প্ৰকটে।
নছাড়িবা নাথ মোক মৰণ সঙ্কটে৷৷
জানো ভকতি ৰতি প্ৰণতি তোমাৰ।
মই অনাথক বন্ধু কৰিয়ো উদ্ধাৰ৷৷
তুমি মহা কৃপাময় জগতে বিদিত।
মই মহা পামৰ পশুতো গৰিহিত॥
জানি যেন যুৱাই কৰা বান্ধৱ মাধৱ।
বোলা ৰাম ৰাম কৰা পাপ পৰাভৱ৷৷
(নিমিনৱসিদ্ধ, ৪০৬–৪১৩)
২৬। গোপাল কৃপাল পালিয়ো বাপ
পাপ পয়োধিত মৰো৷
ইজন্মত বাপ নভৈল ভকতি
পাতকী কিমতে তৰো।
(কীৰ্ত্তন ঘোষা, ১০৩)
২৭। নমো দামোদৰ হৰি।
নিয়োক নাথ উদ্ধাৰি।৷
(কীৰ্ত্তন ঘোষা, ১০৪)
২৮। ওঁ হৰি নমো নাৰায়ণ
চৰণে মাগো তৰণ উপায়।
তোমাৰ ভকতি বিনে বাসুদেৱ
বৃথা আয়ু বহি যায়৷৷
(কীৰ্ত্তন ঘোষা, ১১১)
১৩