এই পৃষ্ঠাটোৰ বৈধকৰণ হৈছে
৫০
ভক্তি-ৰত্নাৱলী
নুহিকে অন্তৰ হৰি ভকত সহিতি।
থৈলো মাৰ্কণ্ডৰ বাক্য সংহৰি সম্প্ৰতি॥২৩৮॥
সৰ্ব্ব সাধনতে শ্ৰেষ্ঠ ভকতি উত্তম।
পূৰ্ব্বাপৰ চাহি সাধু কৰিল নিয়ম॥
বুলিবা মোক্ষৰ আছে অনেক উপায়।
ভকতিসি ভৈল কিয় শ্ৰেষ্ঠ সমুদায়॥২৩৯॥
হেন যদি কদাচিত শঙ্ক৷ হোৱে মনে।
ইহাৰ উত্তৰ কহো তত্ত্বৰ বচনে॥
সৃষ্টিৰ কাৰণে যত তত্ত্ব নিৰন্তৰে।
কৃষ্ণক কৰন্ত স্তুতি পৰম সাদৰে॥২৪০॥
যত জ্ঞানীগণে মন নিয়মি সকলে ৷
জিনিয়া দুৰ্জয় মায়া জ্ঞান যোগ বলে॥
ভোমাৰ ভকতি তাতো কৰিয়া সহায়।
তৰি ইটো সংসাৰ তোমাত লীন যায়॥২৪১॥
বুলিবা জ্ঞানীও হোৱে আমাত প্ৰবেশ।
ভকত সকল ভৈল কিমতে বিশেষ॥
শুনিয়োক ইহাৰ উত্তৰ যেন মত।
ভক্তি বিনে নিষ্ফল কেৱল যোগ যত॥২৪২॥
ভকতি সহিতে জ্ঞান অভ্যাস দুষ্কৰ।
অনেক শ্ৰমেসে আত মোক্ষ পাৱে নৰ॥
তোমাৰ ভকতি একো সহায় নচাৱে।
কেৱল ভকতি সুখে বৈকুণ্ঠক পাৱে॥২৪৩॥
