এই পৃষ্ঠাটোৰ বৈধকৰণ হৈছে
১৯
বী ণ - ব ৰা গী
তোমাৰ আদেশ অপেক্ষাত আছে
শিৰেৰে নমিহে ভূমি।
অন্যায় অসত্য পাশৱ বলেৰে
নিত্য সংগ্ৰাম-চাৰী,
দৈৱী সম্পদৰ আশ্বাস-নিৰ্ভীক
বিজয় গাণ্ডীৱধাৰী।
বিশ্বৰ বীণত ঝঙ্কাৰ উঠিছে
মিলোৱাঁ তাৰেই সুৰ,
আকাশৰ লক্ষ গ্ৰহ সমন্বিতে
ওঙ্কাৰ ধ্বনিৰে পূৰ।
ধ্ৰুবলোকৰ সত্যক আজোঁৰা
অৰুন্ধতীৰ প্ৰেম,
সূৰ্য্যৰ ৰশ্মিৰ জলন্ত মহিমা,
পৃথিৱী-তলৰ হেম।
পৃথিৱীক তোলাঁ স্বৰ্গৰ খাপলৈ
স্বৰ্গক নমাই আনা,
সৰগ নহয় দূৰ-দূৰণিৰ
বাহিৰৰো নোহে জানা।
অন্তৰৰ চকু মেলাঁ মোৰ বন্ধু
দিব্য দৃষ্টিৰে ফুৰাঁ,
শুধ দাপোনত শুধ প্ৰতিবিম্ব
বাহিৰ ভিতৰ জোৰা।
