এই পৃষ্ঠাটোৰ বৈধকৰণ হৈছে
বাটৰ ছাঁ
ভালপোৱাৰো শেষ আছে জানা!
এই যে তোমাৰ স’তে হাঁহি ধেমালিৰে সময় পাৰ কৰোঁ
বিলাসী কাফেত বহি চাহৰ কাপত ওঁঠ থওঁতে চকুত চকু লাগি ধৰে
কি বিশ্বাসত তুমি
মোৰ দুবাহুৰ ঠেকাত হাওলি পৰা ঘৰৰ দৰে ভেজা দি ছেলফি তোলা
ভাবি ভাবি উত্তৰ নাপাওঁ
এই ভাল পোৱাৰ শেষ ক’ত?
আজি তোমাক ইমান ধুনীয়া লাগিছে
সদ্যস্নাতা দেহৰ বন্যতা জিঞা পাখিৰ ভাঁজত নগ্ন হৈ পৰিছে
কথা আৰু উশাহৰ লয়লাসত কামনাৰ কি অপূৰ্ব ভাস্কৰ্য
জুই হৈ জ্বলিছা
মম হৈ গলিছোঁ;
যোগী হৈ নচুৱাইছা
সাপ হৈ নাচিছোঁ
এদিনীয়া জীৱন
এদিনীয়া প্ৰেম
প্ৰেম আৰু ভালপোৱাৰ নতুন সংযোজনৰ বাটে ঘাটে অলেখ ছাঁ
এই ছাঁত জিৰণি লৈ ক’লৈ গৈ আছো আমি
৬০ ৷ বিশ্বাসৰ বনানীকৰণ
