এই পৃষ্ঠাটোৰ বৈধকৰণ হৈছে
সোণ
সোণ
তোমাৰ এটা প্ৰিয় শব্দ
মোক কিয় সোণ বুলি মাতা
সোণত কালিকা লাগি থাকে নাজানা?
সোণৰ জুই এই জ্বলে এই নুমায়
পোহৰক পাৰিবা জানো খামোচ মাৰি ধৰিব
মোৰ সোণাই
নিজে নেখায়
খুৱাম তোমাক
উঠিলে তুমি উঠিম
বহিলে তুমি বহিম
তোমাতে মোক সপি দিম
মাটিত থ’লে
পৰুৱাই পাব
মূৰত থ’লে
ওকণীয়ে পাব
তাতকৈ মোৰ বুকুত লিপিত খাই থাকা
দীঘলকৈ উশাহ টনাৰ সময়ত
গোন্ধ এটা উজাই আহি মোৰ চৌপাশ মল্ মলাই থাকিব
সোণ খান্দিবলৈ গৈ
তেজ বতিয়াই মৰিছা
জ্বলি থকা সোণালী জুই উজ্বলি আছে
তোমাৰ কাষ চাপি আহিব জানো কোৱা
৫৬ ৷ বিশ্বাসৰ বনানীকৰণ
