এই পৃষ্ঠাটোৰ বৈধকৰণ হৈছে
পৰুৱা
পৰুৱাৰ নীতি শিক্ষাক আধাৰ কৰি
মোৰ ঘৰ্-সংসাৰ্ চলাই আছোঁ
পৰুৱাই কেতিয়াও নিজৰ ঘৰ নাপাহৰে
আহাৰ বিচাৰি দূৰলৈ ওলাই গ’লে
ৰসযুক্ত সৌৰভ চটিয়াই থৈ যায়
যোৱাৰ বাটটি অহাৰ বাট হৈ থাকে
পৰুৱাই পৰিয়ালক এৰি আহাৰ নাখায়
সমিল্ মিলেৰে এটাই আনটোৰ মুখলৈ চাই সুখেৰে জীয়াই থাকে
মুখৰ আহাৰৰ কুন্দাটি পৰুৱাটোৱে হাতীৰ দৰে টানিছে
পৰিয়ালৰৰ মুখবোৰ এখন এখনকৈ ভাঁহি আহিছে
গুৰী পৰুৱাৰ একতা দেখি বানপানীয়ে বুকুচা লৈ ফুৰে
চাই থকা পৰুৱাটো মোৰ গালৈ বগাই আহিছে।
মই বাধা নিদি চাই আছো
এনে অনুভৱ হৈছে-
হাজাৰটা পৰুৱাৰ অসীম শক্তিয়ে মোক বলৱান কৰি তুলিছে
৪৮ ॥ বিশ্বাসৰ বনানীকৰণ