এই পৃষ্ঠাটোৰ বৈধকৰণ হৈছে
নাৰীয়ে বিচাৰে যি
মানুহজন সঁচা অৰ্থত সৎ হ’লে
মোক একো নালাগে
মানুহজনক আনে প্ৰশংসা কৰিলে
ভোকত থাকিও হাঁহি থাকিব পাৰোঁ
মোৰ প্ৰেম প্ৰকৃতিৰ অৱদান
সত্য-সুন্দৰৰ আৰু মহানুভৱৰ প্ৰথম পূজাৰী মই
পুৰুষৰ সৎ স্বভাৱ আৰু গুণৰহে প্ৰেমিকা
তুলাচনী মোক
সহজে ঠগিব নোৱাৰি
জানি শুনিহে সকলো সহি থাকোঁ
সৎ চৰিত্ৰই মোক সহজে মোহিব পাৰে
সৎ লোকৰ বাবেহে মোৰ সৃষ্টি হৈছিল
সকলো সৎ লোকৰে প্ৰতি আমাৰ অনামী দুৰ্বলতা থাকে
যদি মোৰ আজীৱনৰ প্ৰেমাস্পদ হ’ব বিচাৰা
তুমি সঁচা অৰ্থত সৎ লোক হোৱা
বিশ্বাসৰ বনানীকৰণ॥ ৪৭
