এই পৃষ্ঠাটোৰ বৈধকৰণ হৈছে
দিছাঙৰ পাৰত
দেখা দেহি ঐ বৰমইনা
অভাগী মাৰাৰ প্ৰাণ যায়,
আইতা বুলি এষাৰি মাতাঁ
সকলো হক সপোনপ্ৰায়।
পুৱাৰপৰা ৰাতিলৈকে
মইনা বুলি কতনো মাতোঁ
প্ৰাণৰ পুত্ৰ তোক নেমাতি
এতিয়া মই কেনেকৈ থাকোঁ?
তুমিও মাতাঁ আইতা বুলি
মুখত মধুৰ হাঁহিটি,
সংসাৰ চলোৱা সকলোতে
আইতাৰ লাগে অনুমতি।
পুত্ৰ সৌভাগ্যৱতী বুলি
মনত অপাৰ আনন্দ পাওঁ,
প্ৰভুৰ অশেষ কৰুণা বুলি
চৰণে শত সেৱা জনাওঁ।
৫
