এই পৃষ্ঠাটোৰ বৈধকৰণ হৈছে
( ৯২ )
কি আশা কৰিছে প্ৰজাসৱে
ৰজা তুমি,—প্ৰজাক পালন কৰা
তোমাৰ কৰ্ত্তব্য কাম,
নকৰিলে সেই ধৰ্ম্ম তুমি আচৰণ
চিৰকাল নৰক ভুগিবা,
জগতত কুখ্যাতি থাকিব।
শুনা কথা সকলো প্ৰজাৰ
যোৱা তুমি লোৱা ৰাজ পদ,
তাৰা আৰু অঙ্গদক
দিয়া গৈ শান্তিৰ বুজনি।
সুগ্ৰীৱ। দাস মই,
তুমি মোৰ উপাস্য দেৱতা,
শিৰোধাৰ্য্য় তোমাৰ আদেশ,
নমিলোঁ চৰণ প্ৰভো আহিলোঁ এতিয়া।
[সুগ্ৰীৱ আৰু স্বৰূপানন্দৰ প্ৰস্থান ]
ৰাম। চোৱাঁ ভাই,
বালীক নিধন কৰি লাগিছে বেজাৰ,
সুগ্ৰীৱৰ বেজাৰত হৃদয় ফাটিছে,
তাৰাৰ দুখত মোৰ হিয়া বিদৰিছে
অঙ্গদক অকালতে অনাথ কৰিলোঁ।
