পৃষ্ঠা:বালীবধ নাটক.pdf/৯

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
( ৪ )

ব্ৰহ্মা৷ তথাস্তু বুলিলোঁ মই;
কোৱা যদি আৰু কিবা লাগে।
বালী। নমৰিম ৰণ কৰি শত্ৰুৰ হাতত।
ব্ৰহ্মা। তাতো মই তথাস্তু বুলিলোঁ৷
বালী। দিয়া বৰ দেৱ দয়াময়
নাচৰিম ধৰ্ম্ম কৰ্ম্ম
তথাপিও স্বৰ্গবাসী হম।
ব্ৰহ্মাা। দিলোঁ বৰ, সেয়ে হব,
শত পাপ কৰিলেও তুমি
অন্তিমত স্বৰ্গবাসী হবা।

ব্ৰহ্মাৰ প্ৰস্থান।



বালী। কি, হঠাতে কল্পনা ছবি
মাৰ গল মনৰ মাজত!
পালোঁ বৰ, ধ্যানত দেখিলোঁ বিৰিঞ্চিক;
পাই গলোঁ মনে ভবা দৰে;
নিৰ্ভয় মনেৰে মই
থাকিব পাৰিম সুখে কিষ্কিন্ধ্যা দেশত,
নিজে মই নিজ মুখে কওঁ
ধন্য ধন্য বালীৰ জনম।