এই পৃষ্ঠাটোৰ বৈধকৰণ হৈছে
(৮৩)
কাৰ সাধ্য খেদিব তোমাক?
তাৰা। ৰাণি মই ৰাজ্য-অধিশ্বৰী।
কদাপি নহওঁ;—
খন্তেক আগতে আছিলোঁ যদিও
মুহূৰ্ত্ততে সেই খ্যাতি
খহিল দেহৰ পৰা মোৰ।
তিৰোতাৰ সকলো গৌৰব
স্বামীৰ পদানুগামী,
মাৰ যায় স্বামীৰ লগতে
দগ্ধ হয় স্বামীৰ চিতাত
সূৰ্য্য গ'লে ৰদ যায় যেনে।
মাধৱী। অবশ্যে নহ’ব পাৰা ৰাণী,
কিন্তু ৰাজ-মাতা তুমি।
তাৰা। ৰাজনীতি নেজানা মাধবী,
ৰাজ মাতা নহওঁ কদাপি
নীতি অনুসাৰে সুগ্ৰীব নৃপতি হ’ব,
ইচ্ছা হলে অঙ্গদক
যুবৰাজ পাতিব পাৰিব।
কিন্তু পিতৃ হীন অনাথ বালক
কিৰূপে থাকিব কিষ্কিন্ধ্যাত?
